रामेछाप मन्थली बस दुर्घटना: पिडित र प्रशासनबीच तनाव

रामेछाप, २९ मन्थली –

मंगलवार बिहान काठमाडौँ–ओखलढुंगा जादैँ गर्दा यात्रुबाहक बस मन्थली नगरपालिका को मसानेटार सडकबाट बस तामा कोशी नदीमा खस्दा १२ जनाको मृत्यु भएको घटनापछि मन्थली नगरपालिका तनावग्रस्त बनेको छ। मृतकका आफन्त र स्थानीय जनताले यातायात कानुनमा लापर्वाही भएको र क्षतिपूर्ति वितरणमा असहमति भएको भन्दै प्रशासनसँग द्वन्द्व गरेका छन्।

घटना मन्थली नगरपालिका–५, मसान्टार क्षेत्रमा भएको थियो। यात्रुबाहक बस दुर्घटनामा परेर १२ जनाको शव उद्धार गरिएको छ भने केही यात्रु जिवितै उद्धारमा सफल भएका छन्। मृतक र घाइतेमध्ये धेरै स्थानीय नागरिक रहेका बताइएको छ।

दुर्घटनापछि मृतकका परिवार र पिडित पक्षले क्षतिपूर्ति रकमको असहमति जनाउँदै जिल्ला प्रशासन कार्यालयको घेराउ गरेका थिए। पिडितका अनुसार बस कम्पनी र जिम्मेवार निकायले क्षतिपूर्ति दिन ढिला गरेको वा रकमको वितरणमा पारदर्शिता नभएको कारण असहमति सिर्जना भएको हो।

स्थानीय प्रशासनले भिड नियन्त्रण गर्न प्रयास गरे पनि भिड नियन्त्रणमा कठिनाइ भएपछि प्रहरीले दुई फायर गोली (हवाई) र अश्रुग्यास प्रहार गरेको थियो । अहिल्य पनि मन्थली नगरपालिका क्षेत्रमा तनावग्रस्त अवस्था कायम छ। प्रशासन र सुरक्षा निकायहरूले शान्ति कायम राख्न थप कदम चालिरहेका छन्।

नेपाल सरकारको कानून अनुसार बस दुर्घटनाका पिडितले आर्थिक क्षतिपूर्ति पाउने कानुनी अधिकार राख्छन्। “सडक यातायात कानुन बमोजिम यात्रुबाहक बस दुर्घटनामा परेका यात्रु वा मृतकको परिवारलाई क्षतिपूर्ति प्रदान गर्न व्यवस्था गरिएको छ । तर यस घटनामा क्षतिपूर्ति वितरण प्रक्रिया र रकमको न्यायोचित वितरणमा विवाद उत्पन्न भएको छ।

स्थानीय जनताले सडकको खतरनाक अवस्था, बसको सुरक्षा मापदण्ड पालना नहुनु, र यातायात नियमको कमीलाई औँल्याएका छन्। उनीहरूले आगामी दिनमा यस्ता दुर्घटनाको पुनरावृत्ति रोक्न प्रशासन र यातायात कम्पनीहरूलाई आवश्यक कदम चाल्न आग्रह गरेका छन्।

स्थानीय तह र सरकारी निकायले शान्ति कायम राख्न र पिडित परिवारलाई राहत तथा क्षतिपूर्ति सुनिश्चित गर्न आवश्यक कदम चाल्ने बताएका छन्। मृतकका परिवार, घाइते र स्थानीय दुर्घटना र त्यसपछिका घटनाले मन्थली क्षेत्रलाई सामाजिक रूपमा संवेदनशील बनाएको छ। प्रशासनले पिडित पक्षसँग संवाद गरी क्षतिपूर्ति वितरणमा पारदर्शिता सुनिश्चित गर्न, सुरक्षा व्यवस्था कडाइ गर्न र भविष्यमा यस्ता दुर्घटनाबाट जोगिन आवश्यक कदम चाल्ने तयारी गरिरहेको छ।