संविधान सभा सदस्य निर्वाचन: मौन अवधि लागू, आचारसंहिता कडाइका साथ कार्यान्वयन

सिन्धुली ‚१९ 

 संविधान सभा सदस्य निर्वाचन नजिकिँदै गर्दा निर्वाचन आयोग ले मौन अवधि सुरु भएको जानकारी दिएको छ। निर्वाचन कार्यक्रमअनुसार मतदान हुनुभन्दा ४८ घण्टा अघि मौन अवधि लागू हुन्छ। यस अवधिमा कुनै पनि दल, उम्मेदवार वा समर्थकले प्रचार–प्रसार गर्न पाउने छैनन्।

आयोगले जारी गरेको सूचनामा मौन अवधिमा सभा, जुलुस, प्रचार सामग्री वितरण, सामाजिक सञ्जालमार्फत मत माग्ने कार्य, तथा सञ्चारमाध्यममा विज्ञापन प्रकाशन गर्न निषेध गरिएको स्पष्ट पारेको छ। उल्लंघन भएको पाइएमा कानुनबमोजिम कारबाही गरिने आयोगले जनाएको छ।

निर्वाचनको स्वच्छता र निष्पक्षता कायम गर्न आयोगले आचारसंहिताको प्रभावकारी कार्यान्वयनमा जोड दिएको छ।
निर्वाचन आयोगको आचारसंहिता अनुसार- सरकारी स्रोत–साधनको दुरुपयोग गर्न नपाइने‚ मतदातालाई प्रलोभन दिन वा दबाब सिर्जना गर्न नपाइने‚ घृणात्मक अभिव्यक्ति र गलत सूचना फैलाउन प्रतिबन्ध

आयोगले सबै राजनीतिक दल, उम्मेदवार, सरकारी निकाय तथा सञ्चारमाध्यमलाई आचारसंहिता पूर्ण रूपमा पालना गर्न आग्रह गरेको छ।

आयोगले केन्द्र, प्रदेश र स्थानीय तहमा अनुगमन टोली परिचालन गरेको जनाएको छ। ती टोलीले निर्वाचन गतिविधि, खर्च विवरण, प्रचार–प्रसारको अवस्था तथा मौन अवधिको पालना भए/नभएको विषयमा निगरानी गर्नेछन्।

यसका साथै, सामाजिक सञ्जालको दुरुपयोग रोक्न साइबर अनुगमनलाई पनि प्राथमिकता दिइएको छ। आवश्यक परेमा सुरक्षा निकायसँग समन्वय गरी कारबाही प्रक्रिया अघि बढाइने आयोगले स्पष्ट पारेको छ।

निर्वाचन आयोगले संविधान र प्रचलित कानुनअनुसार स्वतन्त्र, निष्पक्ष र पारदर्शी निर्वाचन सम्पन्न गराउने प्रतिबद्धता दोहोर्‍याएको छ। मतदातालाई निर्धक्क भएर मतदानमा सहभागी हुन आह्वान गरिएको छ।